«100 يدەيا» جوباسى باستاۋ الدى

شاراعا «قازاقستان رەسپۋبليكاسىنىڭ تۇڭعىش پرەزيدەنتى – ەلباسىنىڭ كىتاپحاناسى» جەتەكشى عىلىمي قىزمەتكەرى ع.تەلەباەۆ, قازاقستان رەسپۋبليكاسى ءبىلىم جانە عىلىم مينيسترلىگى «رۋحاني جاڭعىرۋ» باعدارلاماسى نەگىزىندە قابىلدانعان «تاربيە جانە ءبىلىم» كىشى باعدارلاماسىنىڭ مەنەدجەرى ب.اتىباي, قازاقستان رەسپۋبليكاسى ءبىلىم جانە عىلىم مينيسترلىگى عىلىم كوميتەتى مەملەكەتتىك تاريح ينستيتۋتى ديرەكتورىنىڭ ورىنباسارى ا.قاشقىمباەۆ جانە باسقا دا ساراپشىلار, بەلگىلى قوعام قايراتكەرلەرى, سونداي-اق جاستار ۇيىمدارىنىڭ وكىلدەرى مەن ستۋدەنت جاستارى قاتىستى. جيىندى ساياساتتانۋشى, قوعام قايراتكەرى كەنجەبولات جولدىباي جۇرگىزدى.

سونداي-اق, ساراپشىلار وتىرىسىندا «رۋحاني جاڭعىرۋ» باعدارلاماسى اياسىندا ۇيىمداستىرىلاتىن جالپىرەسپۋبليكالىق «100 يدەيا» جوباسى تانىستىرىلدى. جوبانى ىسكە اسىرۋ ستۋدەنت جاستار اراسىندا ەلباسىنىڭ «رۋحاني جاڭعىرۋ» جالپىۇلتتىق يدەولوگيالىق پلاتفورماسىن تاراتۋعا باعىتتالعان.

جوبا شەڭبەرىندە ارنايى سايت پەن الەۋمەتتىك جەلى ارقىلى ەلىمىزدىڭ بارلىق جاستارىنىڭ 100 ۇزدىك يدەياسى ارنايى بازادا جيناقتالادى. بۇل باستاما نەگىزىندە «دوڭگەلەك ۇستەلدەر», ساراپتامالىق كەزدەسۋلەر, اشىق دارىستەر, كورمەلەر, فورسايت-سەسسيالاردى وتكىزۋدى جوسپارلاپ وتىر. سونداي-اق ارنايى «ستۋدەنتتەردىڭ ەڭ ۇزدىك 100 يدەياسى» اتتى رەسپۋبليكالىق بايقاۋ ۇيىمداستىرىلادى. «100 يدەيا» جوباسى جاڭا كوزقاراستاردى قالىپتاستىرۋعا جانە ۋاقىت تالابىنا ساي زاماناۋي مالىمەتتەر بازاسىن قۇرۋعا شاقىرادى.

«بۇل مالىمەتتەر بازاسى كەلەشەكتە مەملەكەتتىك ورگاندار مەن ازاماتتىق قوعام ينستيتۋتتارىنىڭ, ونىڭ ىشىندە جاستار ۇيىمدارىنىڭ ءىس-شارالار وتكىزۋ فورماتىنا ۇسىنىم رەتىندە قولدانىلۋى مۇمكىن, - دەدى «جاراسىم» رەسپۋبليكالىق جاستار ۇيىمىنىڭ توراعاسى تيمۋر جۇمىرباەۆ.

«قازاقستان رەسپۋبليكاسىنىڭ تۇڭعىش پرەزيدەنتى – ەلباسىنىڭ كىتاپحاناسىنىڭ» جەتەكشى عىلىمي قىزمەتكەرى ع.تەلەباەۆ پەن اقمولا وبلىسى تسەلينوگراد اۋدانىنىڭ «وتان» اۋىلدىق وكرۋگىنىڭ اكىمى ب.عادزيەۆا جوباعا اۋىلداعى جاستاردى تارتۋ كەرەك ەكەنىن ايتتى.

ءا.ارعىمباەۆا